本地設計師鄧達智（William）、張路路及何國鉦前晚為香港傳藝節晚宴，展示各自的經典設計。鄧達智展出的是用「九龍皇帝」曾灶財「塗鴉」墨寶設計的10年前舊作，對於「九龍皇帝」上月中「駕崩」，William表示對方最愛吃叉燒飯，以及其哈哈笑的樂天性格最讓他難忘。
為推廣本地創作而舉行的香港傳藝節，前晚在四季酒店舉行慈善晚宴，同場加設鄧達智、張路路及何國鉦三位本地時裝設計師的fashionshow，當中鄧達智展出10年前用「九龍皇帝」曾灶財墨寶設計的服飾，有以皺褶作細節的泡泡裙或晚裝，糅合街頭文化與高雅。
不再生產表尊重
「九龍皇帝」曾灶財上月15日心臟病發「駕崩」，William前晚透露會將這系列服飾參與文化博物館活動，他說：「整個系列有20幾件outfits，若然將來作慈善拍賣同博物館展覽一定會協力，不過唔會將佢再生產賺錢。」問他對「九龍皇帝」離世有甚麼感覺？他說：「好shock，不過佢年紀都好大，一月時見佢，佢對腳已經唔好。」
問William有否聯絡「九龍皇帝」的家人，他說：「其實我唔識佢啲家人，加上佢哋想低調。」問他跟對方的友情時，他說：「我20幾年前識佢，佢好得意，10幾年前再見番佢，佢依然都係哈哈笑，最鍾意我哋買叉燒飯畀佢食。」
「畀錢係一種心意」
問當年用上「九龍皇帝」的墨寶作設計，對方有否收酬勞時，William笑說：「嗰時畀啲錢佢使，係對老人家一種心意尊重，唔係以商業為理由。」
採訪：RitaLeung
攝影：ChenWaiOn
甩鞋小八卦：陳嘉容失蹄怪叫
前晚fashionshow上有不少名模示範，當中包括失婚後，多個月行騷機會不多的陳嘉容，但不知是否久疏上陣，她身穿張路路的黑色透視連身裙，一出台已經甩鞋，更不禁爆了一句：「哎呀。」認真失禮，之後才開始穿回高跟鞋，以笑遮醜，強裝鎮定，看來她行騷「執生」的專業精神要再經訓練。
