畢業等於失業？大學畢業的網民「乘史論壇」今年5月畢業，畢業前已開始尋找工作，至今失業３個月，不想做金融業，又自言無能力做政府工，總結後發現，原來「搵工難過搵老公」，她惟有憑歌寄意，與一眾畢業等於失業的同輩互勉一番。
「7個月見咗39份工，搵份工仲難過搵老公……見工見到入咗去東涌，點知份工要去掘山窿……之後見啱份工以為好輕鬆，因為份工基本上係無人工……我今日只想留在家中。」她的歌詞引起不少網友共鳴，「weikiwhichme」慨嘆：「大學畢業根本就唔係賣點，我都搵工中，大學畢業的名銜變了負累。」
「做悶工過一世」
上班族「orx63」也有苦惱：「日日坐寫字樓，對住啲文件同客真係好悶和厭惡，𠵱家都想轉行，但係無乜其他特別技能，而香港嘅行業唔算多元化，唉！可能都要做呢啲悶工過一世！」眾網友在香港討論區經過討論後，歸根究柢，認為死因多與面試表現有關。