公仔箱近排力捧嘅才子「鹹蛋黃」，佢可能見自己得寵，人都變得囂張咗，令到好多同佢合作過嘅人都好憎佢，所以鹹蛋黃啲瘀嘢同衰嘢好自然就俾人唱通街。
關仁最近八到，鹹蛋黃出親鏡有一個怪癖，雖然佢係男人，但就好貪靚，就算係底褲，佢都好鍾意着紅色，有好多次佢明知自己要着白褲做嘢，但就依然着住條紅底嚟上鏡。
白裏透紅
其實好心佢都要有自知之明，佢又唔係靚女，無論露底甚至乎透底，都好令人惡頂。鹹蛋黃明知自己條紅底會透出嚟，不過佢點都唔肯換，堅持要着住拍嘢，所以工作人員次次背後都狂笑佢。關仁覺得唔通佢真係認為咁着法可以更加大紅大紫。
Textby關仁
