57歲的薛家燕（好姨）早前被指戀上現年61歲、去年合作拍劇的林青霞舊愛秦漢，原以為雙方會譜出一段黃昏戀，豈料秦漢向好姨大派檸檬，直指是炒作新聞。身為女主角的好姨前晚出席沙田慶回歸活動時，聲稱從未說過跟對方有發展可能，被外間誤會她單戀秦漢，令她非常尷尬。
薛家燕、李蕙敏、關心妍及吳浩康等前晚現身沙田，出席「沙田節沙田萬人紫荊操暨香港回歸十周年慶典」活動。
早前有消息指57歲的薛家燕與61歲的林青霞舊愛秦漢，去年因合演內地劇集《龍鳳呈祥》互生情愫，好姨更直認對男方甚有好感，豈料身在台灣的秦漢毫不領情，更扯火稱毋須靠緋聞炒作，令好姨慘食檸檬。
「件事係為宣傳」
前晚家燕姐以一身紅噹噹服飾示人，問她是否因蜜運中故心情甚佳，她即尷尬地哈哈兩聲，並說：「唔好再提喇。」問好姨是否預料不到秦漢有此反應時，她說：「係呀，我諗嗰日記者令佢唔舒服，佢又打緊波，周身濕晒，而啲記者搶住影，佢鬧啲記者變出嚟好似鬧埋我一樣。」
好姨稱事件過後未有聯絡秦漢，希望事件能淡化，以免越描越黑，又坦言由始至終也是為劇集宣傳，她說：「其實喺訪問度都冇提到會有發展可能，拍劇係好開心，之前講過冇拍拖，整件事係為戲宣傳，將來你哋睇戲就知。」
家燕姐還多番表示看過報道後令她感覺不舒服，一再強調雙方沒有發展可能，好姨說：「因為一個喺香港，一個喺台灣，大家都誤會我單方面鍾意人，咁會令我好尷尬，好多朋友突然打嚟恭喜我，根本就唔係嗰回事。」
「個bra係時裝」
此外，近日復出樂壇的李蕙敏前晚穿上牛仔布料的tubetop載歌載舞，不過中段其tubetop下滑，露出半截白色胸圍邊，李蕙敏事後解釋此為內衣外露的新着法，她說：「係啱啱好係咁，個bra見得人係時裝，我做咗四重保護，一定唔會走光。」
採訪：駱華齡
攝影：陳俊強
