馮仁昭四圍超：蒙嘉慧黑Bra當底衫任昅 - 馮仁昭

馮仁昭四圍超：蒙嘉慧黑Bra當底衫任昅 - 馮仁昭

無綫新劇《爸爸閉翳》今晚緊接《強劍》推出，噚日一班《爸》劇演員到北角出席「巴巴閉親子大比併」活動，宣傳新劇。

Bobby蝦細路

歐陽震華（Bobby）、蒙嘉慧、楊怡、向海嵐以及夏雨等同一班小朋友畫畫兼玩遊戲，蒙嘉慧可能投入得滯，搞到唔小心走光，露出黑bra，不過佢發現後好大方咁話：「其實我已經好小心，楊怡都有幫我拉住件衫，不過算喇！當我着咗件黑色打底衫，大家都見過我着三點式，都係咁啦。」
喺劇入面，Bobby同小演員Jacky仔有最多對手戲，但佢就最鍾意整蠱呢位小朋友，噚日仲玩出火！Bobby一開始就抱住Jacky仔係咁轉，搞到佢喊晒口，之後Jacky仔唔小心跣親，點知冇人扶佢不特止，成班演員仲指住佢係咁笑，搞到佢發晒脾氣，見佢仲好想喊㖭，Bobby就話：「唔係我整佢，好快就冇事。佢係醒目仔，但係個個喊都話關我事，蒙嘉慧見到Jacky仔喊，就同我講唔該晒！」

Bobby係咁攬住Jacky仔不停轉圈（圖），後來Jacky仔唔小心跌落地，竟然冇人埋去扶佢。

Bobby係咁攬住Jacky仔不停轉圈，後來Jacky仔唔小心跌落地（圖），竟然冇人埋去扶佢。

（左起）夏雨、向海嵐及李國麟同一班小朋友大玩遊戲，氣氛熱鬧。