李克勤獲委任為保良局「安老大使」，噚日佢喺理工大學出席「悠然歲月長者體驗大學生計劃2007畢業禮」，祝賀154位畢業長者。克勤講笑話自己再過多10幾年，都可以好似班長者咁報讀進修課程，由於呢個活動好有意義，所以佢會鼓勵屋企啲老人家參加。克勤覺得𠵱家好多人都忽略咗老人家，但佢無論幾忙，每星期都會抽時間同父母食飯。