𠵱家啲溫度吓吓都攝氏34、35度，出街走一轉，好聽嘅就叫香汗淋漓，老實啲講就係全身臭汗。最慘連喺屋企勁開冷氣，都好似唔夠凍咁，咪搵個師傅嚟睇吓。師傅話冷氣機冇問題，不過你屋企用晒啲石英燈，開着晒又熱又耗電，換部再大匹數嘅冷氣機都冇乜用，不如換啲慳電膽仲好過。
我有個姊妹Cherry喺專做慳電膽嘅Sunshine做公關，佢話潮流興環保，𠵱家好多人用慳電膽，新一代慳電膽嘅亮度拍得住石英燈，平均壽命長達10,000小時，機電工程署都講，用慳電膽每年耗電量較一般電燈節省八成，慳電之餘，又可以減低室內溫度。
Cherry話，講就天下無敵，Sunshine送出200個3A-08型號嘅黃光慳電膽，畀消費Blog粉絲試試，每個價值28元。顧客只要揸住呢篇講慳電膽嘅消費Blog，8月7日去將軍澳都會駅L2-54號舖嘅「獨品．家品」就可以免費領取一個，先到先得，查詢可致電22070218。
逢周一至周四刊出