胡杏兒昨日到中環出席「纖得掂-FitFitClub成立一周年慶典」，由增肥到152磅拍《肥田喜事》，又在兩個月之內減至112磅，杏兒當然要穿上貼身裙盡騷美好身段。
六嚿腹肌吸引
大會安排一名赤膊男模頒發「最具公信力纖體代言人2007」獎項給杏兒，司儀問杏兒覺得男模身形如何時，她帶點尷尬說：「當然好OK，六嚿腹肌喎！不過我唔鍾意男人太瘦，有啲肉可以搣吓。」再問她覺得該男模與黃宗澤相比又如何，杏兒嘩了一聲才說：「大家都咁型。」此外，有傳黃宗澤因經常告假宣傳，引起《我的野蠻奶奶2007》拍檔汪明荃不滿，對此杏兒說：「冇啲咁嘅事，阿姐不知幾咁錫佢，錫佢仲多過錫我。」
採訪：魯萍
攝影：陳慧安