新加坡歌手曹格（右）同蘇永康（左）前晚齊齊出席新城國語力頒獎禮，曹格出道短短一年，但成績相當不俗，前晚佢喺頒獎禮中奪得4個獎項，令佢喜出望外，佢話會繼續努力，希望出年能夠保持咁好嘅成績。至於同公司嘅女子組合Krusty見到曹格咁好成績，即央求對方為佢哋作曲，順便沾一沾曹格嘅運氣咁話。