劉德華昨日到銅鑼灣出席手機活動，宣傳他為LGShine手機題字「心善則到處是天堂」的特別版，現場還首播華仔國語歌《歸宿》的MV，吸引數百圍觀者先睹為快。大會安排三個小女孩提出好歸宿條件，分別是「一百億身家」、「一條心」和「一見鍾情」，並封華仔為全球最愛鑽石王老五，逗得他十分開心。
為女友洗頭
問華仔是否已擁有一百億身家時，他說：「未有，我都無數，有錢人唔會計住自己有幾多錢。」華仔在MV中為身材豐滿的女主角洗頭，又為她剪指甲，看得現場觀眾起哄大叫。華仔透露現實中也曾為女友洗頭，他說：「以前做洗頭仔都幫唔少人洗頭，咁梗係有試過喺髮型屋幫女友洗頭，唔通喺屋企洗咩？今次咁樣拍，只係想講兩個人好親密，唔通拍洗衫咩？咁就唔型。」
華仔又笑說：「望見靚女開工都有情趣啲，不過拍攝時冇分心，導演好嚴謹，唔會點分心。」
採訪：王連連
攝影：仇志德
