台灣天后張惠妹（小圖）嘅細妹張惠春（右）噚日同前棒球員豐偌暉（左）結為夫婦，接新娘時門前有6個伴娘擋關，佢哋要新郎先對岳母唱情歌，又要俾伴娘捉住雙腳用兩手爬樓梯等，過晒呢幾關後，新郎先能夠入屋同新娘子拜祖先。現場所見，新娘肚皮隆起，佢嘅好友話新娘子已經有五個月身孕。至於張惠妹噚日就匆匆返台，準備夜晚出席細妹嘅婚宴。