8月才開始數天，還是「糧頭」日子，Mandy已經在BeautyExchange向姊妹訴苦，「上個月31號出糧，我就即刻去買咗好多化妝品，計埋食飯同增值八達通，兩日就用咗1,200蚊。扣除家用，我一個月得3,000幾蚊用。」
Mandy表示，已工作了五年，但因為「大使」所以至今沒有儲蓄，「個個月銀行戶口都清晒，𠵱家仲想買衫同手袋呀，我係唔係有病態購物症？」BeautyExchange的網民也有類似情況，「貓女」說自己也是這樣，沒有辦法儲蓄，「我每個月要找3,000幾蚊卡數，一出糧就還卡數冇晒錢，好慘呀！都唔知點解越來越大使。」
一定要儲蓄
討論完Mandy的個案，很多網友都關心如何理財，Gian稱一定要有紀律地儲蓄，「多有多儲，少有少儲。下次買嘢前，諗吓係咪必須要買，減少不必要開支，應該可以慳番唔少！」「peekapoo」慨嘆自己以前不善理財，「其實一個月儲1,000蚊都好，打工仔老咗就要靠呢筆錢，可惜我幾十歲人先明呢個道理，如果我20歲就儲錢，𠵱家好有錢嘞。」