到茶餐廳吃套餐選擇凍飲，一般要加兩元，網民「shox123」疑惑地問：「熱水都要用電呀！」豈料「膠帖專家」似是而非地回應：「因為啲冰要錢買，如果走冰就唔需要。」「Axlako」相信真相與供求有關：「需求大，賣得所以加價。」原來啲冰真係要錢買㗎！「kofcvs」說：「啲冰要8蚊包。」
冰與飲筒 每樣計1蚊
不過網友「au01」及「FANKY~!」則不約而同認為，原因應該係：「凍飲大杯啲」，所以比熱飲收多兩蚊。「kwankate」認為實情係：「佢加一蚊都夠啦！都唔知係咪知道人鍾意飲凍飲，乘機賺錢。」「~ME~」解開兩蚊雞之謎，原來：「冰錢and飲筒錢，每樣計1蚊！」