「海外學生仁濟夜2007」舞會前晚假灣仔君悅酒店舉行，度蜜月歸來的林煒珊與父親林建名及胞妹林煒珽一同出席。林煒珊透露已努力造人，可惜中醫指她五行不調，需戒口及吃中藥調理，加上父親又常向傳媒說恨抱孫，更加添她的壓力。
城中不少名人及他們的第二代，前晚雲集灣仔君悅酒店，出席每年暑假的「海外學生仁濟夜2007」舞會，出席者包括林建名及兩名女兒林煒珊、煒珽及兒子孝信、寇鴻萍兩名省鏡女兒唐貝詩及唐貝欣，以及羅家寶兩位千金穎怡及穎珊等。
想生三個
一身銀色Dolce&Gabbana晚裝的林煒珊透露剛與丈夫從德國、法國度蜜月返港，問她結婚時父親送了甚麼禮物及嫁妝給她？她說：「都係啲杯杯碟碟啦。」記者指一定不止杯碟，有否樓同車？她說：「車一向爹哋有送，樓自己就未揀定，本來結婚前都有去南區同山頂揀過，𠵱家度蜜月返嚟睇啲樓價又再升咗。」
問林煒珊有否努力造人？她說：「開始㗎啦，爹哋周圍同啲報紙講話恨抱孫，搞到我好大壓力，我身體麻麻哋，中醫話我五行不調，生唔生到都未知，𠵱家要戒口唔好飲凍嘢同生果，仲要食中藥調理半年，我自己都好擔心。」問她希望生多少個？她說：「生咗先講啦，生到嘅生三個都OK。」
前晚大會請來任賢齊擔任演唱嘉賓，並加插拍賣籌款環節，小齊捐出一件04年演唱會的歌衫作拍賣，最初由羅嘉穗總理開價28,000元，然後另一總理錢曼娟緊接開價至68,000，但台上司儀蔡子健為搞氣氛竟然說錯話。
總理不悅
蔡子健說：「28,000蚊可以握手，咁68,000蚊要錫一啖啦。」這時小齊竟加把嘴將田北俊錯認為錢曼娟丈夫，他說：「我驚坐喺錢總理隔籬嘅老公唔肯呢！」場面十分尷尬，到蔡子健再請羅嘉穗開價時，她也顯得不悅說：「你講到咁核突，我唔想再出價啦。」最終羅嘉穗以88,000成交價買下小齊的歌衫。
採訪：DebbieLum、MaggieLaw
攝影：EdwardChou
