胡杏兒昨日帶同兩歲大的英國短毛貓「包包」出席新劇試造型，包包更會在新劇中客串演出，令杏兒榮升星媽。至於同劇的羅嘉良被傳成為亞視挖角目標，他直認目前正在洽談中，看來新劇《當狗愛上貓》大有可能成為他在無綫的最後作品。
羅嘉良、胡杏兒、呂方、曾華倩及陸詩韻昨日在將軍澳電視城為即將開拍的新劇《當狗愛上貓》試造型，劇中的明星貓狗更成為全場焦點，場面熱鬧。
「冇再欠無綫」
近年專注在內地拍劇的羅嘉良表示，回巢拍劇令他緊張得徹夜失眠，他說：「噚晚12點幾上床，結果都係失敗，我唔敢飲酒呀，怕會面腫腫，今日專登約埋艾威食早餐，佢做導遊帶我參觀電視城，我四年冇返嚟啦！」
提到亞視重整架構，有傳羅嘉良成為亞視的招攬目標，羅嘉良直認雙方目前在洽談當中，他說：「拍埋呢套劇基本上冇再欠無綫，其他就洽談中，多謝大家咁鍾意搵我拍戲，不過都係會以內地為主，每年暑假咪返嚟陪屋企人。」
羅嘉良又透露希望再添一女，目前正在努力當中，他說：「我同老婆都想生多個，𠵱家都努力緊，老婆想有個女，可以幫佢扮靚着衫。」
胡杏兒就帶同兩歲大的英國短毛貓包包出席試造型，一眾藝員上前爭相擁抱包包，非常搶鏡。胡杏兒說：「監製都想包包客串，我屋企總共有九隻貓，捧到佢哋做明星，我就可以榮升做星媽。」
特使昅實呂方
至於曾華倩就踢爆受鄭裕玲所託要昅實其男友呂方，呂方就說：「我昅住馬國明（曾華倩緋聞男友）好過啦，我拍完呢套劇會用啲酬勞請我嘅好朋友（鄭裕玲）去北海道旅行。」
採訪：卓美娟
攝影：陳順禎
