謝霆鋒和張栢芝去年閃電結婚後，前日更榮升父母，不少圈中人都戥這對銀色夫婦感到十分開心。
關菊英：我做咗契姨婆，霆鋒同婷婷好細個就叫我契姨，我都見過栢芝。拉姑本來睇晒我兩場演唱會，但佢打畀我話新抱要生，尾場嚟唔到，又話應該喺我唱得最勁、跳得最勁時生。
陳冠希：我想送他一把結他當見面禮，理由是他爸爸（謝霆鋒）很會搞破壞，在舞台上摔爛結他，這小鬼一定有乃父之風，我就送他一把好好練習砸結他吧。
吳國敬：好恭喜霆鋒同栢芝，我遲啲會買衫仔畀BB做禮物，佢哋都係俊男美女，龍生龍，鳳生鳳，雖然暫時仲未見到BB，但估到佢一定好可愛。
蘇永康：呢個BB係霆鋒同栢芝嘅金叵羅，我祝福佢哋母子身體健康。