27歲的張栢芝前晚產下6.5磅B仔，更由初為人父的謝霆鋒親自為BB剪臍帶，母子平安。榮升嫲嫲的狄波拉昨日喜孜孜地表示栢芝已開始餵人奶，霆鋒也為BB改了英文名Lucas，至於快將71歲生日的謝賢，則表示見到乖孫一刻感動得流眼淚，又大讚栢芝又乖又抵錫，他說：「我以為我一世都唔可以抱孫。」
張栢芝前晚在跑馬地養和醫院，為夫婿謝霆鋒產下6.5磅豬仔，霆鋒經理人霍汶希（Mani）在栢芝誕下麟兒後向傳媒公佈喜訊，指她是自然分娩，但身為老爺的謝賢（四哥）昨日接受商台訪問時，則模稜兩可地表示媳婦是「順產嘅開刀」，直到昨日奶奶狄波拉（拉姑）到醫院時始澄清說：「係開刀嘅。」據知栢芝其實想自然分娩，但幾經努力下，最終還是要剖腹取子。
老爺感動
「以為一世唔可以抱孫」
榮升爺爺嫲嫲的四哥和拉姑昨日先後到醫院探望新抱和乖孫，拉姑除透露栢芝是開刀生仔外，更說：「栢芝𠵱家已經餵緊人奶，暫時唔可以食補品住，佢會喺醫院住多幾日先。」
至於商台DJ查小欣昨日則在其節目中引述拉姑的談話內容，指BB很健康，很多頭髮，樣子似霆鋒，她說：「有晚霆鋒一家人喺屋企諗緊為BB改英文名，霆鋒坐喺電腦前打機，佢將網友同BB改嘅名一個個讀出嚟，讀到Lucas就個個都鍾意，霆鋒話個名short&powerful，即係短小精悍。至於中文名就會由拉姑一手包辦。」拉姑大讚栢芝很乖，栢芝更要求奶奶為BB改中文名，但改甚麼名暫時仍未有頭緒。
本月9日便是四哥的71歲生日，相信Lucas對四哥而言應是最珍貴的禮物，四哥昨晚再到醫院探望乖孫外，更接受了商台訪問，言語間流露喜悅，而且為栢芝肯生兒育女大受感動，四哥說：「霆鋒好感動，但佢就冇喺產房拍片。我都好感動，因為栢芝肯放低工作為霆鋒生仔，所以我好錫栢芝，𠵱家啲20幾歲嘅女仔邊肯咁早生BB，我以為我一世都唔可以抱孫，所以栢芝好抵錫，佢直頭好過個女（指婷婷）。」
四哥笑言前日有很多人聚集在栢芝病房，人數比早前到皇后碼頭示威的人數還犀利，又指栢芝生完BB後與霆鋒深情對望，而拉姑則開心得在醫院見人便派利是。四哥又說：「護士一嚟到就有『啫啫』睇，其實我男女都冇所謂，生唔到仔都係怪個男人唔夠勁，想生仔就要食生蠔同牛肉，但我冇教霆鋒，佢本身就好勁啦。」
四代同堂
95歲祖母返港探曾孫
四哥又風騷地指BB大可改名叫「謝老爺」，即多謝老爺BB才可出世，並笑指不用傳授追女技術給孫仔，因為已經有胎教，在還是精子時已傳授出去，四哥說：「我唔介意同孫仔拍攝泳池騎膊馬相，但要睇吓我有冇咁嘅壽命。」由於BB是謝家第一個男曾孫，故四哥的95歲高齡母親將於下月由溫哥華回港探望曾孫。
另一方面，四哥昨日接受本報電話訪問時說：「我見到BB嗰刻，真係感動到流眼淚，栢芝就好堅強。」問四哥會送甚麼禮物獎勵栢芝時，他笑說：「我送個牌坊畀佢，上面寫乜嘢就梗係唔話你知。」
榮升父親的霆鋒，前日一直在醫院陪伴栢芝左右，未見露面；栢芝母親、同母異父的姊姊戴碧芝、弟弟柏文、楊受成夫婦和Mani等，昨日則先後到醫院探望。
採訪、攝影：娛樂突發組、比華利
謝家各司其職
最高蘋嬸
霆鋒個仔嘅英文名同《星戰》系列電影嘅監製佐治魯卡斯一樣，我建議佢如果再生多個仔，細仔英文名可以叫Spielberg（史匹堡），30年後三父子合作拍一套戲，由魯卡斯監製，史匹堡執導，霆鋒做男主角，分分鐘可以殺入荷李活。
蘋果娛樂特派評述員蘋嬸
話你知：Lucas「光」芒四射
謝霆鋒為初生愛兒取英文名Lucas，Lucas是英文名Luke的拉丁文，泛指在意大利盧卡尼亞（Lucania）居住的人，有「光」的意思。其實Lucas是外國姓氏，最出名的相信是大導演佐治魯卡斯（GeorgeLucas）。
名人：佐治魯卡斯（圖）
簡介：《星球大戰》系列電影的導演和監製
名人：阿諾（LucasArnold）
簡介：著名阿根廷網球手
名人：LucasCranach
簡介：德國畫家，生於1472年，著名作品包括馬丁路德畫像
資料來源：《蘋果》資料室
一網講盡：網友提議改名謝拉特
張栢芝前晚為丈夫謝霆鋒誕下6.5磅男嬰，網友第一時間恭喜二人之餘，也不忘為他們的兒子改名，當中更不乏創意之選，負責為長孫改名的狄波拉不妨參考一下。
bibi：謝謝、謝天、謝地、夠特別啊！
~Devil~Ken~：謝皇上！
hpsn121：我諗不如叫謝拉特啦！仲有錢過佢老竇。
章戎：叫謝絕採訪，因為大多數藝人都唔想自己嘅仔女俾任何記者拍攝騷擾。
BETTYMAK：謝皮四，停風（霆鋒）咁鍾意rock，披頭四佢實like。
資料來源：香港討論區
