早前參選港姐未能入圍的20歲女新人郭思琳，前日傍晚穿上火辣三點式為樓盤宣傳，大晒33、23、33的勻稱身段。李蘢怡（Tiffany）昨日也有到場，但她收起性感，衣着頗為密實，難怪比Tiffany年輕5年的郭思琳大搶她的風頭，成為全場焦點。
蕭定一旗下的20歲女新人郭思琳，早前曾參選港姐，可惜連入圍機會也沒有，前日傍晚她應邀為西貢一豪宅宣傳，即穿上紅色三點式泳衣大騷身材。擁有33、23、33勻稱身段的郭思琳，不時在泳池旁邊嬉水，不過由於其臀部比較扁平，穿起泳裝時下截顯得較為寬鬆。
為應屆港姐平反
參選港姐期間，郭思琳被指曾整容，對此她否認說：「我由16歲開始成日俾人話我整容，我真係由頭到腳都冇整過。我入唔到港姐，可能我學歷低啦。」郭思琳表示蕭定一也有游說她隆胸，她說：「要開刀就唔好，如果食藥都可以，我希望可以大多兩吋。」對於港姐冠軍張嘉兒被評為最醜樣港姐，郭思琳說：「佢好慘，評判選得出嚟自然有佢優點，嗰啲係惡意中傷，況且冠軍唔一定靚，仲要有學歷同氣質。」
近期多次大晒背部紋身的李蘢怡（Tiffany），前日也有出席宣傳活動，但她收起性感，頓時變得黯然失色，十分輸蝕。仍然冇約一身輕的Tiffany表示正物色新經理人，還會在簽約前與母親商量，未知Tiffany會否要求在合約中訂明准許拍拖呢？她說：「講到唔拍拖好難，我又唔係醜，又唔係怪人，實有男仔約我出街，交朋友唔係男就係女，好正常。不過我唔會好似以前咁沉迷，會以工作為重。」
拒回應秋生緋聞
Tiffany其後到旺角欣賞《阿森一族大電影》首映，被問到黃秋生傳離婚一事時說：「呢啲太私人嘅嘢，佢係我師傅，我尊重佢唔方便問。不過之前有sms聯絡話畀佢聽我同經理人公司解咗約。」
採訪：王崇穎、魯萍
攝影：陳順禎
