日韓小天后BoA今年4月曾經俾一名徐姓大學生，入侵佢嘅私人網頁同電子郵箱，盜取咗BoA同god成員Danny嘅合照同其他絕密個人資料，繼而向佢經理人公司勒索約30萬港元。首爾南部地方法院噚日正式裁決，判呢個大學生入獄6個月。 法官噚日宣判時話：「雖然被告係初犯，而且深表懊悔，但佢複製其他人私隱仲發出恐嚇郵件同勒索，無可避免要入獄。」