曾演出電影《姊魅情深》嘅35歲韓國女星廉晶雅，今年好運接踵而來。繼4月底喺第43屆百想藝術大獎奪取影后獎座後，噚日又宣佈懷孕18周，預產期約為明年1月。 廉晶雅上年12月同當時拍拖唔夠半年嘅整容醫院院長結婚，據講兩人得知懷孕消息後都好高興。院方冇透露BB嘅性別，而準媽媽完成月底上映嘅新片《我生涯中最惡的男人》宣傳後，就會專心安胎。