「少爺仔」不嬲喺公仔箱拍劇，仲唱得兩嘴㖭。呢期佢轉做歌手，但過程一波三折，話說唱片公司初時透過「數字小姐」傾少爺仔出碟，點知數字小姐食住上，順勢sell埋「渣斗舞王」，但人哋一聽渣斗舞王個𤓓名就即縮沙，所以唱片公司同數字小姐都拉鋸咗一段時間，先至簽得成少爺仔。
話時話，呢間唱片公司陰盛陽衰，確係好想搵啲男星加盟充撐場面，弊在佢哋之前簽番嚟嘅男藝人全部謝晒，而少爺仔加盟後，唱片公司即刻搵佢笨，成日安排旗下啲蛋散好似「黃腳立」同「新波子」襯埋佢同台表演，假假地係新紮哥仔嘅少爺仔忽然同啲蛋散撈埋一劈，唔怪得呢期佢俾人笑到面黃啦。
Textby關仁