「世界末日你會做咩？」這個問題大家可能已經反覆思考過很多次吧，網友「人中之虫」最近在永恆討論區發帖問這個老問題，引起網友熱烈討論。
「人中之虫」說自己「當然會狂打機啦！」BabyB卻作嘆氣狀地表示：「可能返緊工！」儍妹Ivy則聲稱自己一定「要做晒我呢世人都未做過的事。」心水清的「人中之虫」取笑她：「得番咁少時間，一定唔夠時間啦。」可想而知，人生時間太少，想做的事實在太多。
與喜歡的人過
充滿少女情懷的網友「suki_chow」非常肯定地說：「當然要搵自己鍾意嘅人，同佢一齊過最後一日！」BabyB卻揶揄她：「你哋冇宗教信仰，就會有咁嘅諗法！」豈料人中之虫卻有所感觸：「如果我有情侶，我都會同佢一齊，不過可惜我冇。」當一眾網友討論得興高采烈時，最不想世界末日的網友「柑仔」卻向人中之虫說：「我會打鑊你，烏鴉嘴！」