Cute爆周身綠甲蟲
1938年正式面世嘅甲蟲車，大大話話都幾十歲，不過長春不老，新一代甲蟲更加係趣致迷人，正面睇，竟然係一副笑相，難怪男女Fans都一大堆。就好似喺今日愛情故事中出現嘅呢隻全身綠色小甲蟲，無論顏色同外形都勁可愛，加埋圓碌碌頭尾燈，Cute到令人想咀佢！睇埋內櫳佈局，搶爆嘅蘋果綠竟然伸延到車內，波箱、中控台同車門都配上綠色，獨特之餘又討好。
米白色座椅令全車充滿陽光氣息，不過雙門設計令後排乘客上落較麻煩。性能方面，2.0公升引擎配4前速自動波箱，令只重1,255kg嘅小甲蟲起步及加速都有十足動力。
記者：黎頌詩
攝影：譚盈傑
演出：Catherine、King
一次快樂的意外
結局
太意外，絕對是一次快樂的意外，他竟又再出現我跟前，而且換了一個樣，一向是書蟲的他竟然全身型Look，是為了和曾經野性的我相襯？我還留意到，他頸上多了個刺青……我慣了愛得瘋，每次戀愛都要留下愛的印記，想不到，這次竟有人為我刺下印記，太幸福了，我想我會更瘋狂！誰說型爆的人和可愛的小甲蟲不相襯，我就要讓他做蟲蟲的男主人！
2000年新版甲蟲規格
引擎：2,000c.c.直4
馬力：118ps/5,200rmp
傳動：4前速自動波
車輛提供：富利堡（61382700）
護送紋身大陣仗
除了甲蟲車之外，紋身也是這個故事的主角。做乜師傅用筆紋身？因為今日嘅Model係乖乖女大學生，連維持短時間嘅臨時紋身都耍手擰頭，結果要幫佢做一次「即甩」紋身，師傅盧就用水筆慢慢畫！結果喺34℃高溫下，由旺角「護送」呢幾個紋身返將軍澳拍攝場地。
一離開室內，人人即時大汗叠細汗，紋身已出現溶解迹象，結果係邊行邊上粉保持亁爽。力保不失到達目的地，拍攝一樣爭分奪秒，個個熱到濕晒身，惟有出動原子筆拯救紋身。好好彩，終於可以喺紋身完全溶解前收工，簡直一步一驚心。
協力紋身：身囗藝（94290865）
