宣傳往往比質素緊要，像《阿森一族大電影》，未上畫便先谷行宣傳。昨晚才舉行首映，聲演的黃偉文、何超儀、何韻詩、王菀之個個撐場，反傳統2D動畫在懷舊、保育、集體回憶風潮下確看出味道。更滋味的是連KrispyKreme冬甩都同阿森玩乘，於8月4、5、11及12日下午3時30分，荷馬和巴特兩大巨頭將出巡朗豪坊4樓通天廣場，大派電影特別版冬甩，手快有手慢無，巿場學這一課真係估你唔到！只是正路戲迷如我，還是簡簡單單，對朗豪坊4樓通天廣場內新近搭建的「朗豪坊×阿森一族」主題電影院較有興趣，據講為宣傳斥資數十萬元搭建，爸爸荷馬、媽媽瑪吉、大仔巴特、二女麗莎及BB女瑪姬一家五口排排坐，擺晒睇戲甫士，拍個照留個念咪好囉。