歐陽妙芝及陳嘉容前晚在中環出席CMCMarkets網上外滙交易平台活動，大談投資。懷着第二胎的歐陽妙芝，揚言大肚也要四出賺錢，皆因養仔貴又要儲私己錢，她說：「養個仔真係要400萬，我第二個嚟緊，兩個唔止800萬，要成千萬！好多嘢都係因為BB而來，好似司機、保母、工人房，一年使喺BB身上，成70至80萬。」
私己錢傍身
自言要有私房錢傍身的歐陽妙芝續說：「雖然老公好錫我，但世事無絕對，要做定最壞打算，女人最大安全係來自自己嘅錢同經濟保障。」她又笑言自己陀仔，沒得陪老公飛，經常要獨守空房。
陳嘉容就坦承奉行男女財政獨立，但又謂最好另一半的財政對她有透明度，認真矛盾，她說：「最好Ricky投資，係寫我個名，不過sofar咁耐都未試過。」
採訪：RitaLeung
攝影：ChenWaiOn