吳京自從憑電影《殺破狼》中的殺手一角成名後，經常要扮演殺手或拳手的角色，總之打交就一定有他份，最慘是逢片必奸，令他空有一張酷似黎明的長相，也終日只能埋首在片場以打度日。不過吳京自言樂此不疲，他說：「可以嘅話打到80歲都打。」
吳京早前睡眼惺忪接受本報訪問，原因是前一晚才為羅守耀執導的新片《奪帥》拍攝通宵打鬥戲，不但要把頭髮漂成藍色，手上也有不少紋身圖案，記者以為他在30多度的高溫下必定會叫苦連天，投訴香港天氣翳熱，結果卻是「喜出望外」。
嘆冇地方練劍
吳京日前以廣東話說：「打一啲都唔辛苦，我哋打慣冇問題，而且可以再同大哥洪金寶合作好開心。不過最慘係要捱眼瞓同喺片場呆等。另外就係冇乜地方練功，成日要夜晚靜雞雞冒被警察拉嘅危險，去公園偷偷練劍。」提到練劍，吳京還有一個笑話，他曾經試過攜帶一把未開鋒的劍上機，令香港海關大為緊張，以為是恐怖襲擊，足足將他扣留了半個小時才弄清楚其演員身份，令吳京啼笑皆非。
電影《殺破狼》為吳京奠定打仔形象，他絕不介意被定型，吳京解釋說：「人哋搵你做同一樣嘅角色，即係話你做得好有人認同。其實拍打片都可以有內心戲、有眼神交流，如果仲打得我80歲都會接打片。」他笑言從前在北京被人稱作「陽光小子」及「陽光少年」，現在打出名堂，已經是一個成功的突破。
望進軍荷李活
對於電影人夢寐以求的荷李活，吳京坦然也有一番憧憬，希望可以打進星光大道，他說：「想就梗係想，因為可以證明畀人睇自己真係有實力，但都好睇天時地利同人和。」看來他首先還是要做好目前的工作。
採訪：何永寧
攝影：陳慧安
