官恩娜（Ella）師妹梁雨恩，在派台歌《怎麼怎麼》中唱盡情竇初開的少女心聲。原來現實中她的初戀只得一星期貨仔，梁雨恩說：「佢係我中二同學，幾靚仔㗎！我哋交換咗刻有自己個名嘅鎖匙扣做定情信物，當係私訂終身。嗰陣未識拖手仔，最親密只係背對背咁坐。點知拍咗一個禮拜拖佢就話覺得我唔係太適合佢要分手喎。」梁雨恩不諱言懷疑過被人戲弄，還說：「最慘係分手之後仲要一齊坐。」
中大畢業
眼見師姐Ella緋聞層出不窮，問梁雨恩可有因此留下陰影？她說：「我桃花緣冇佢咁重！佢形象性感啲，自然多桃花！Ella好好，成日教我點樣面對緋聞。」那師姐可有求教戀愛秘笈？梁雨恩笑道：「我拍過兩次拖，佢經驗咁豐富，冇理由問一個冇乜拍拖經驗嘅人㗎！」
梁雨恩前年暑假出擊樂壇，但只plug了一首歌便重返校園，今年3月終於完成中大酒店管理學士課程「正式復出」。05年避過王菀之及衞蘭等勁敵，今年又有同樣走清純少女路線的江若琳做新人獎對手，梁雨恩氣定神閒地說：「我有間好好嘅公司，而且我唔係第一日入樂壇，我覺得呢個係我優勢！」
採訪：吳佩思
攝影：陳俊強
服裝：Gas
髮型：IshimotoofBeautrium
化妝：CholeofBeautyTech
