苗僑偉（三哥）、葉翠翠同袁彌明前晚去咗中環出席一間旅行社嘅活動，曾傳不和嘅葉翠翠同袁彌明再次同場出現，葉翠翠話同場出現唔係為闢謠，因為之前佢哋都一齊出席過唔少活動，問佢私下會唔會同袁彌明聯絡？翠翠冇正面回答，只係話平時工作好忙。三哥對於有份演出嘅《歲月風雲》上星期收視跌，佢覺得可能咁啱上星期有足球賽事，所以影響收視。