王賢誌早前到加拿大溫哥華及美國拉斯維加斯旅行，並順道探望李婉華等好友，已有十年沒到拉斯維加斯的他，今次賭城之行全由狄波拉安排，且費用全免。王賢誌說：「之前我幫拉姑老公胡鬚Kong個退休party做司儀，拉姑知道我想去拉斯維加斯之後，就幫我安排住宿交通，又有長房車接送，直情係貴賓式招待。」
「刺激好玩」
王賢誌在賭城欣賞著名大騷包括《O》及《Ka》，又到大峽谷一試最新的SkyWalk，問他站在高空上欣賞大峽谷感覺如何，他說：「初初驚到唔敢行，因為地下全部都係玻璃，畀你望到自己身處幾高位置，全程都幾刺激幾好玩！但嗰度係唔畀人帶相機同手提電話入去，怕遊客相機同電話跌落地𠝹花玻璃，要影相留念嘅話要幫襯番佢哋，成20蚊美金一張，都幾揦脷！」
採訪：林妃