暑期工果真是學生體驗社會的最佳教室？網民「明日香」已有多年暑期工經驗，無奈今年卻遇上一位惡頂女上司，當眾被指摘「樣衰」，回家訴苦，卻反被指摘「少少事都忍唔到」，惟有在討論區中高呼「到底我做錯咗啲乜？」網友於是傾囊相授她絕招對付惡頂上司。
「返工第一日，知道我放工要做part-time就寸我窮，噚日仲當住好多同事面批評我，話我個樣生得刻薄，似電影入面嗰啲衰秘書，仲強調咗幾次個『衰』字」。最慘明日香回家講兩句：「屋企人話我想報復，花時間喺啲無謂嘅口舌之爭度，又話咁嘅心態唔要得，轉頭又話我少少事都忍唔到。」
「把口唔刻薄咪得」
BEAUTYEXCHANGE討論區的網友一致認為，只是做暑期工，根本毋須理會這種上司，為她而不開心，實在不值得。至於應否反「寸」上司，網友意見卻不一致。認為應該的網友「POOROZ」會跟上司說：「唔敢當！你衰啲！」「◎冬甩◎」說：「我個樣生得刻薄，但把口唔刻薄咪得囉！」
「SHUR」持相反意見：「暑期工，除咗為錢，你都想體驗一下將來工作時有機會遇到的情況，咪當𠵱家實習忍下囉，你都話佢係你上司，唔通同佢鬥寸咩！」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]