滿載香港人集體回憶的皇后碼頭面臨拆卸，而陪伴香港人一起成長、曾在皇后碼頭拍過無數電影及MV的歌神許冠傑（Sam），原來日前也趁碼頭拆卸前，重遊舊地緬懷一番，甚至興之所至在碼頭拍攝新歌《鐘聲響起》的MV，為自己留個紀念。
歌神許冠傑近日加盟鄭裕彤兒子鄭家純旗下國際娛樂，除於今年12月15日在香港政府大球場舉行演唱會外，更會於下月底推出全新個人大碟。一個多星期前，阿Sam到維港舊天星碼頭一帶拍攝新歌《鐘聲響起》MV期間，猛然醒起皇后碼頭即將拆卸，於是即時拉隊到碼頭取景，為自己留個紀念。其實本港不少藝人也像阿Sam一樣，曾在皇后碼頭拍過不少電影、劇集或MV，留下許許多多值得回味的片段。
最佳拍檔
82年碼頭取景
國際娛樂經理鄒偉昌昨日在電話中說：「當日阿Sam本來book咗架遊艇，諗住喺維港舊天星碼頭一帶拍MV，後來佢見到皇后碼頭，醒起嚟緊要拆，冇得喺度再拍，所以臨時走過去拍番啲片段留個紀念。」問阿Sam是否支持保育人士抗爭反對拆卸碼頭時，鄒偉昌說：「阿Sam冇話支唔支持，因為佢以前唔少電影同MV都係喺碼頭取景，但拍過邊幾部戲同邊啲歌，阿Sam就話唔多記得，喺我印象中，阿Sam嘅《最佳拍檔》曾經喺皇后碼頭拍過。」查實阿Sam於82年拍攝電影《最佳拍檔》時，的確曾在皇后碼頭取景。
據鄒偉昌透露，阿Sam當日在碼頭未有碰到任何抗議示威行動，但卻遇上不少熱情中年歌迷，阿Sam於是為他們逐一簽名，心情勁靚，加上當日天朗氣清，阿Sam大概拍攝了6、7小時便順利完成。
鐘聲響起
三父子合唱新歌
今次《鐘聲響起》將由阿Sam的兒子懷欣和懷谷負責rap的部份，單是此曲的MV製作費已超過三、四十萬，至於唱片封套及另外三首新歌的MV，則已於早前在關島完成拍攝工作。
阿Sam是國際娛樂全力進軍娛樂事業的頭炮，過往主要投資及製作演唱會，今次為省靚招牌打響頭炮，單是投放在阿Sam新唱片及演唱會的宣傳費已逾500萬元。鄒偉昌又表示，阿Sam下月推出的新碟共有10多首全新歌曲，稍後將配合新唱片及演唱會進行連串宣傳活動，他說：「阿Sam好樂意做宣傳，包括電台同報紙雜誌，絕對唔係傳聞中話唔做宣傳，不過佢話唔想講太私人嘅問題，怕太過突然唔識回答。」
採訪：林妃
《鐘聲響起》
主唱：許冠傑 作曲：劉宏基
作詞：許冠傑、劉宏基
從前香港 講abcd普遍
自回歸後 說bopomofo有主見
時代迫住要變 我都好難留一線
舊碼頭再見 舊機場早就再見
隨機應變 咁至有黃金嘅十年
一成都不變 唔通啲錢會自動奉獻
新機場興建 今日證明 明智之見
不過舊情 依然不變
每次聽見鐘聲、船笛聲 產生感應
同遊時光溫馨 幻彩海港美景
時間悲歡交錯 轉眼已十年（珍惜眼前）
有嘢坐低傾傾 人生應該高興
個個笑得開心 排隊攞身份證
成為全球精英 盛放金色紫荊
朋友愛惜分秒 好快又十年（爭取出線）
你我畀啲心機 贏創意永久保證
個個笑吓 放假四處玩吓
約吓兩老見面嘆杯茶 童謠神話
街坊好嗎 掛住昨天嗎？
轉轉轉轉 也有挫折起跌？
一公升的眼淚要支持
仍然同舟 壓力未愁
你有勇氣上天定會幫你解決
手機周圍 拍拍拍 搞到好有壓力
晚晚加班 港幣貶值更有壓力
信自己自食其力 信自己物超所值
有壓力 其實都係一種原動力
加薪唔見多 負資產就鬼咁多
豬鏈搭瘋牛 食物有毒就多多多
其實香港唔錯 凡事能輕輕帶過
錢有排搵 點會嫌多
再見了鐘聲 要再見革新本領
和諧繁榮香港 大家高峰再闖
回憶集體擁有 可愛是情懷
輕鬆心態 你我處變不驚
全香港鬥心取勝！
從前香港人 暑假愛出國旅行
??家放假 就鍾意上街自由行
自由係香港精神 自由到捨己為人
沙士都唔怕 香港人十項全能
香港乜星都有 酒店有五粒星
紅館有歌星 身份證有三粒星
天上有陳易希星 人人其實都係巨星
再見鐘聲 但願香港繼續繁
