歐陽震華（Bobby）、蒙嘉慧（YoYo）和楊怡等昨日宣傳無綫新劇《爸爸閉翳》。有消息指當年撮合陶大宇和妻子阿寶的Bobby，不滿大宇因郭羨妮而與阿寶離婚，導致兄弟反目。Bobby昨日表示兩人依然十分老友，認為兩公婆的事不會涉及其他人，但就不敢再做媒人。
歐陽震華、王喜、蒙嘉慧、楊怡、向海嵐、譚小環及夏雨等，昨日於將軍澳宣傳無綫下周一播映的新劇《爸爸閉翳》，大會安排眾演員於超級市場玩遊戲。
眾演員需使出精打細算本領，實行以最低價購物取勝，YoYo自認格價最叻。劇中YoYo與Bobby有感情戲，稍後兩人會再次合作拍新劇，她笑指Bobby欲要求換女拍檔。
唔敢再做媒人
Bobby對於被指不值陶大宇搭上郭羨妮而與阿寶離婚，故與大宇反面，他說：「我同大宇之間冇嘢，好多事大家心照㗎喇，兩公婆嘅事唔涉及任何人，佢哋成年人識得點去處理，而且佢哋都仲有電話聯絡。」問Bobby可有介紹好男人給阿寶？他說：「唔好喇！我介紹大宇畀佢都搞到咁，不過呢樣冇永久保證嘅。」
YoYo對於經常被拍到與男友鄭伊健行超市，她說：「每個人都會做呢啲嘢，冇任何事需要避囉，又唔係做犯法嘢。」問YoYo是否較男友精打細算？她說：「我所有朋友當中我最精明，唔係計較，只係唔想浪費，但歐陽震華成日笑我慳埋啲婆仔數。」
採訪：王崇穎
攝影：陳順禎
