商台DJ森美和小儀下月21日至30日會率領一班同台DJ，演出一連10場的森美小儀歌劇團，今次以羅密歐crossover祝英台跨越時空的愛情故事做主題，眾人日前以大戲妝配宮廷服拍照，單看造型已非常有趣。
由商台DJ森美和小儀組成的「森美小儀歌劇團」今年成立7周年，他們下月21至30日會在香港理工大學賽馬會綜藝館演出一連10場的「森美小儀歌劇團LokamochiMamiba」，並會以羅密歐混合祝英台的抵死愛情故事為題。何韻詩、王菀之、周麗淇、鄧麗欣及容祖兒均會擔任表演嘉賓。
化大戲妝興奮
劇團的導演火火和男主角森美今年為了搞搞新意思，特別為劇團成員設計新造型拍攝宣傳海報，小儀、有耳非文、Leo、余廸偉、13E和Wing等，日前化了大戲妝和穿上宮廷服拍攝，造型名副其實糅合中西文化特色。
問到森美何以有這個構思？他說：「因為歌劇團今年踏入第7個年頭，好想有新驚喜畀觀眾，所以就加入一啲新嘅元素，希望畀佢哋耳目一新嘅感覺。呢次嘅造型初初睇係有啲怪，有啲驚嚇，但係會越睇越有味道，由我哋嘅造型就可以睇到中西文化嘅精髓，令觀眾留下深刻印象。」首次化大戲妝的小儀則異常興奮，她說：「化大戲妝要坐定定差唔多兩個鐘先搞掂，雖然好嘥時間，不過真係好特別。」
宮廷服遮肥肉
雖然大戲妝的粉底又厚又白，Wing卻並不嫌棄，還說：「化之前好緊張，因為怕化妝品唔好，個妝又厚，好驚好傷皮膚，估唔到白色嘅粉底噴喺面上，竟然一啲都唔痛。」設計師特別為眾人度身訂做宮廷服，余廸偉開玩笑說：「本來好難着得靚嘅宮廷服，朱薰着咗都唔覺得肥。」
撰文：林妃
