網友candybbnow在街市買菜時經常有這個疑問：「買啲又大又粗又有泥嘅紅蘿蔔煲湯，點解煲極都煲唔出味？」有人指她可能誤購了甘筍，於是她在親子王國討論區向網友求教如何辨別紅蘿蔔與甘筍。
是相同的東西
網民littlefatc9分析得頭頭是道：「又大又粗有泥兼深色嘅，係要嚟煲老火湯嘅紅蘿蔔，幼細橙色可生食嘅係甘筍。」網民「500kb」拋下一條方程式：「甘筍＝紅蘿蔔＝胡蘿蔔＝紅蘿卜＝carrot，只是中、港、台及外國的名稱不同，其實都係同一樣嘢。」
食家黃雅歷稱，紅蘿蔔與甘筍是相同的東西，紅蘿蔔個子比較大，纖維較粗，生食時口感差，適合用來煲湯；反之甘筍個子較小，纖維比較幼細，可供生食，如做沙律，但卻不宜煲湯。