【本報訊】樂隊Beyond成員黃家強的私人助手、人稱「A仔」的譚兆然，昨晨在葵涌租住的分租房內擁着女友放石油氣雙雙自殺。據悉，A仔與女友近日均被大耳窿臨門追數，且A仔已被黃家強「炒魷」，而本身是應屆會考生的女友則要面對會考放榜，疑兩人同感前路茫茫，遂自尋短見，幸好兩人命不該絕。黃家強獲知消息後表示震驚：「點解要咁樣呢？冇嘢解決唔到𠺝，我仍然當佢係朋友。」記者：梁澤岡、張家樂、朱倬誼
現場為梨木樹石蔭路金石樓3樓一個兩房單位，23歲的「A仔」譚兆然半年前以月租2,000多元向姓蔡男戶主租下不足100呎的房間，與念中五的19歲姓劉女友共賦同居，還養有一頭金毛尋回犬，但愛狗日前已經離世。昨晨約9時，任職保安員的房東放工回家，走入廚房擬煮即食麵，但卻點不着石油氣爐，於是打開灶底廚櫃查看，發現石油氣罐竟不翼而飛，只餘下一條被人剪斷的氣喉。
房東開風扇 幸未釀爆炸
「我嗰陣心諗：出事啦！」蔡先生事後向記者表示，當時他立即走到A仔房間查看，發現房門反鎖，門邊更全被透明膠紙從裏面「封死」。「我即刻搵條後備匙出嚟開門，一推開道門就見到佢哋瞓咗喺度，床邊罐石油氣仲『噝噝聲』噴緊氣。」其時A仔平躺靠窗床上，女友則側身依偎在其懷內。
由於房間充斥濃烈石油氣味，蔡先生連忙打開窗戶，又試圖叫醒A仔及其女友，但兩人毫無反應。蔡先生情急下返回客廳用手機報警，又開電風扇吹散石油氣味，完全沒考慮到電流可能「點着」石油氣引發爆炸。「𠵱家諗番轉頭至識驚，好彩冇爆炸！」事後警員在房間內發現兩封遺書，分別與男女事主的身份證整齊叠好，內容提到兩人財政有問題、工作不開心及與家人關係欠佳，而警方相信兩人自殺前曾經飲酒，事後兩人送瑪嘉烈醫院治理，現時情況穩定。
據悉，A仔與女友欠下不少「街數」，還曾向房東蔡先生和老闆黃家強借錢，近日更有大耳窿上門追債。「早幾日仲有大耳窿打嚟搵我，問佢係唔係喺度住，A仔認話想同大耳窿借一萬蚊。」蔡先生透露A仔經常遲交租又曾向他借錢。
至於黃家強，也曾借糧給A仔，每次不多於2,000元。「佢借咗糧之後我會扣番，但我有同佢講過應該積極做嘢，唔係先使未來錢，借到幾時啫？」家強慨嘆地說。
至於A仔女友劉建虹欠債問題同樣嚴重，記者昨晨到劉建虹父母的將軍澳寓所採訪，其時單位外的大堂牆身還非常亁淨，至晚上記者再上樓時，牆身竟然被人用黑色箱頭筆寫上「劉××欠債還$」字句，相信追債者不知劉女已自殺入院。
工作頗粗心 曾收警告信
對於A仔遺書中提到工作不開心，黃家強無奈地說：「唔係啩？有啲無辜。」他又替炒A仔一事解釋：「我畀過好多機會佢，出過3、4封warningletter（警告信），有啲係口頭警告，佢話會改，我叫佢認認真真做嘢，唔好成日得個講字，但最後佢又係錯……無理由白養佢，其實係公事公辦。」有曾與A仔接觸的人士則指他做事粗心大意，反應較慢，開工時經常遊魂及關手機。
據了解，A仔被炒的導火線源於今年6月初，黃家強要到浙江參加一個開幕儀式，理應全程替家強打點一切的A仔竟在出發前才發現自己的回鄉證過期，結果黃家強一怒之下辭退A仔，8月8日正式離職。對此傳聞黃家強所屬的藝能娛樂發言人不作回應，而Beyond另一成員黃貫中昨日接受電台訪問時，則謂對A仔自殺事件未有所聞。
至於A仔的名稱由來，據聞因其A字頭的英文名頗難讀，故友儕均簡稱他為A仔。
黃家強助手與女友自殺示意圖
