沈殿霞的健康狀況近日令人擔心，有消息指她急忙賣樓套現，並成立公司，將名下的汽車轉名予欣宜，似為愛女鋪定後路。不過擁有物業五分一業權的肥姐好友張耀榮，前晚出席關菊英的演唱會拜神儀式時，否認物業已售出，但承認正在放盤。
沈殿霞去年接受通膽管及切除肝腫瘤手術後，病情一直相當反覆，近日更有報道指她的肝瘤惡化，並要將位於九龍塘劍橋花園的物業以5,500萬賣出應急，由於該物業業權共有五份，故肥姐分得其中五分之一即約1,100萬，她又為欣宜成立一間名為「JoyceProductionCoLtd」公司，並將名下兩部市值28萬及52萬的豐田和平治座駕轉到該公司名下，似是為欣宜日後的生活謀定後路。
「太平唔會賣」
前晚張耀榮現身紅館，出席關菊英於昨晚開始一連兩場的「關菊英溏心演唱會」拜神儀式，擁有劍橋花園其中一份業權的他，被問到好友肥姐賣樓套現一事說：「冇啲咁嘅事，佢大把錢啦，張生就冇錢。」
不過張耀榮也承認該物業正在放盤，但未達到心目中的理想價錢，他說：「5,500萬梗係唔得啦，起碼一層要六、七千萬先賣，太平唔會賣，可能肥姐想搬去山頂，不過賣樓我一定知，我都要簽名。」
提到肥姐將名下的車轉名，張耀榮續說：「冇，應該唔係，車牌都冇轉到，冇啲咁嘅事。」那麼肥姐的健康情況如何？張耀榮笑說：「佢不知幾好中氣，早兩日至見過佢，好好精神，啲雜誌好似想激佢，佢未死，見到啲雜誌佢實激死，我死佢都未死，佢好健康。」
不少藝人都對肥姐的健康十分關心，關菊英被問到可會邀肥姐欣賞其演唱會時說：「覺得肥姐要多啲時間休息，佢個人好好客，人哋請佢佢一定會到，但我唔想騷擾佢。」另一方面，曾志偉昨日在銅鑼灣出席宣傳活動，他表示剛由杭州返港，不過離港前曾見過欣宜，對於近日傳出肥姐病危，志偉說：「傳呢啲訊息真係唔好，除咗騷擾佢，我哋又自己互相打聽，應該畀佢多啲時間休息。」
琴姐致電慰問
李香琴昨日接受商台電話訪問時則表示昨早曾致電欣宜，她說：「欣宜話肥姐好攰，之前一日下晝7點我都有打電話，但係佢屋企人都話佢瞓咗，欣宜仲話佢感冒，我叫佢小心身體㖭。其實肥姐實際病情我真係唔清楚，只係之前同佢通電話，佢自己話要休息一年半載先可以做嘢。之前我都有介紹啲藥方畀肥姐，但佢話唔使，總之祝福阿肥早日康復。」此外，狄娜及張徹太太昨日下午也前往肥姐的住所探望。
採訪：胡比
攝影：葉君海
