GPS（全球定位裝置）用途越嚟越廣泛，由手機、PDA到數碼相機都可搭嚟用，可惜過往香港因高樓大廈特別多，GPS訊號斷斷續續，兼且失誤率高，故一直Hit唔起。今時今日GPS訊號傳送發展成熟，喺汽車界中漸成標準裝備，如Suzuki新到嘅Swift咁，不論山邊或市區，導航準確率達95%以上，絕對信得過！
記者：鄭達基
攝影：陳盛臣
模特兒：Julie、Jaguar（TheGroup）
協力：周旭文
你係邊個？做乜綁我上你架車度！
查實我只係匿埋先，謀定而後動。稔灣？咩地方嚟㗎？
好在呢架Swift有GPS，等我輸入地名、Set定路線追過你。
Julie會唔會嚟救我呢？
估唔到稔灣係咁遠，好彩有GPS，否則揸住本地圖慢慢搵就死火！
Jaguar：好彩你醒目搵到我咋。
Julie：趁個肥仔綁匪出咗去買燒賣，拿拿臨出市區報警啦！
TheEnd
中港地圖任你換
今日介紹Suzuki呢款SwiftSport，正是加入了GPS衞星導航裝置，買車時多花$9,000，便可配埋ShincoGN300衞星導航系統連倒車攝錄鏡；系統已內置全港最Update地圖，也備有廣東話提示，使用時只須按選單中所顯示的地區、建築物名稱，便可啓動模擬導航功能來初步掌握行車路線。
此外，經常往返國內嘅人士亦有用武之地，只須另購內置全中國地圖的記憶卡，便可隨時以換卡方式更換地圖，相當方便。
蓄意行錯路轉眼指番正
今日分別以將軍澳至石澳，及石澳至灣仔這兩條路線來一試Swift的導航準確度；先由將軍澳工業邨出發，跟足GPS指示行車，喺途經藍田匯景花園及東隧時，由於有上蓋阻擋，系統曾出現短暫停頓，幸而離開後不消10秒便回復正常。
及後從鶴嘴前往灣仔六國酒店，系統在未駛到連接石澳道和大潭道的迴旋處前，已有廣東話語音提示，提醒要轉右往大潭道，及後離開大潭道左轉柴灣道，系統已不時提醒要靠右上橋經東廊往灣仔。離開了筲箕灣駛上東廊，行至太古城對開時，系統突叫我們靠左駛入支路，令全車人摸不着頭腦。原來東區走廊近和富中心大塞車，系統不停提醒要左轉菲林明道後靠右上橋，否則會加入紅隧塞車兵團！
一切依舊還是好跑
由於僅在設備上作出提升，故其他地方皆與原有普通版相近，如跑車化外觀、紅黑色仿桶形前座等，但我最愛還是廠方為它安排的機械配搭。雖然引擎容積僅是1.6公升，也沒有Turbo，但經廠方運用了參加JWRC賽事的經驗去設計，以及注入VVT技術後，表現跟2.0公升級別跑車無異，尤其當引擎處於3,000-5,000rpm時，扭力更是源源不絕，有利突然加速。
試車初期在高速公路行駛時，已發覺加速反應直接爽快；及後走進石澳道時，我曾以轉波拖波來控制車速，更感受到引擎的扭力輸出充裕，還有就是那組同樣以跑車化設定示人的懸掛組合，在彎路上疾走也有着不錯的支持力，但對講求舒適的我而言，卻認為在公路上行駛時似乎拋了點，感覺不太舒服。
SuzukiSwiftSportGPS規格
引擎：1,586c.c.直4DOHC
馬力：125ps/6,800rpm
扭力：148Nm/4,800rpm
傳動：5前速手波，前輪驅動
車輛提供：香島汽車（23320091）
