名模AmandaS.昨日往屯門市廣場出席Pappagallo雪糕店開幕活動，她乘坐一架綠色綿羊仔出場，並做出一個高兩呎、名為「情迷比薩斜塔」雪糕蛋糕的頂部。廚藝了得的她表示不時有下廚煮甜品給朋友吃，更說：「男友都好自豪我煮嘢食咁叻，只要係我整嘅，佢乜嘢都鍾意食。」
妙計趕醉客
問到昨日報章頭條指新鴻基郭炳聯太太劉寶賜不肯將手袋放在行李架，結果機組人員報警，Amanda說：「機艙上乜乘客都有，有好都有唔好嘅，不過保安措施梗係多好過少啦。」問她乘搭飛機有沒有遇過醉酒乘客？她說：「試過有人走埋嚟撩我傾偈，我都會扮到好忙好似睇書咁，佢哋自然會行開。」
採訪、攝影：林妙萍