李安執導的電影《色，戒》下月角逐威尼斯影展金獅獎，男主角梁朝偉也會競逐影帝，為了演好漢奸易先生這角色，李安要求偉仔操一口標準的南方口音普通話，並找來台灣金鐘影帝樊光耀做偉仔老師，開拍前3個月，偉仔一日最少練習3小時普通話，偉仔說：「開拍前，我將對白背咗近千次，我同李安講笑，話如果佢改劇本，我即刻死畀佢睇。」
喜與陳冲合作
偉仔向來以飾演正派角色為主，今次做漢奸令他受盡精神折磨，偉仔說：「易先生每日都害人，甚至打人踢人，好兇殘，佢又日日俾人鬧，所以好抑鬱，又驚俾人暗算，就嚟精神分裂。我做呢個角色瘦咗成20磅，從來未試過，都唔知點解我會同意做呢個角色。」但他表示最開心是能跟陳冲合作，他說：「同佢合作係我多年嚟嘅心願，以前睇佢嘅《末代皇帝》，真係估唔到有一日佢會做咗我嘅太太。」
撰文：林妃