「萬人迷」碧咸一向敬業，即使嚟到美國都冇變。好似上周佢喺後備席睇銀河隊1:2負瓜達拉哈拉嗰陣，全程抱頭、蹬腳、口噏噏，連隊友都話佢嘅投入激起其他人鬥心。完場後，作為銀河之星嘅碧咸走入球場向球證抗議，呢種為球隊出面嘅做法贏晒支持。聽講碧咸周二對FC達拉斯有機復出，希望到時銀河可以贏啦！