薛家燕和秦漢的黃昏戀成為近期佳話，可惜秦漢快速地塞了個大檸檬給家燕姐。前晚李司棋談到此事，也直指二人的戀情不可能發生，皆因家燕姐愛講笑，秦漢為人卻太認真，所以第一次聽到這消息已不相信，連旁觀者都不看好，假如家燕姐真的愛秦漢，要再努力一點了。澳門直擊
李司棋前晚與鍾鎮濤（阿B）在澳門出席「內港黃金歲月2007」，兩人先在澳門議事庭前空地主持亮燈儀式。
曾與薛家燕傳不和的司棋姐，談到家燕姐與秦漢的戀聞時說：「玩啫，家燕係一個好有趣嘅人，大家都係講笑啫。」雖然家燕姐口口聲聲與秦漢互有好感，希望有發展空間，但司棋姐卻直指二人沒可能發展戀情，她謂：「家燕個人鍾意講笑，秦漢個人好serious，拍拖都唔啱，唔係㗎，冇可能，我dayone聽人講呢單嘢，我都話玩啫，我唔信。」
識執生贏掌聲
對於家燕姐公然示愛，司棋姐說：「唔會啦，佢個人識分析道理，咁interesting嘅新聞，大家登得大啫，唔係登到咁大嘅話，根本就冇嘢，唔好搞到件事變咗真咁啦。」
此外，前晚活動吸引逾300市民圍觀，場面熱鬧，司棋姐還率先獻唱《月圓花好》一曲，唱到一半，音樂忽然停止，原來工作人員以為她只唱半首，司棋姐馬上發揮執生功力，淡定地說：「唱一半？咁呃秤，人哋唔收貨㗎，唔可以咁偷工減料，你哋播乜我唱乜啦。」她遂將未唱完部份繼續，觀眾大拍手掌。
迫阿B抱BB
後來司棋姐與阿B步行至福隆新街再進行活動，一路上被百多市民簇擁着，其間一名女人抱着嬰兒遞向阿B，不停叫他抱BB。
阿B尷尬地說：「唔抱住，我做嘢先。」事後他說：「好搞笑，咁多人迫住，如果我抱完佢走咗，我都唔知點算，唔通帶BB返香港咩？」
採訪、攝影：李珮洳
娛樂資料庫：真情好姊妹鬥餐懵
薛家燕於96年復出拍攝無綫劇集《真情》，其好姨一角深入民心，人氣席捲亞洲，風頭完全蓋過在劇中飾演其姊善姨的李司棋，期間更傳出兩位「阿姐」不和。不過正所謂十年河東、十年河西，去年開拍《溏心風暴》前，「大契」角色原定由薛家燕飾演，但有傳她要返內地拍劇和登台，故令李司棋冷手執個熱煎堆，劇集早前播出時大收旺場，造就李司棋成為風頭人物。
