台灣男星陳柏霖女友MandyLieu及LisaS.等昨日在尖沙嘴出席一美術館活動，早前被拍下與男友在淺水灣嬉水的Mandy，昨日手戴男友早前送的生日禮物卡地亞LoveBangle，一提男友即甜如蜜，她指已見過男友家長，但何時結婚則隨緣。
陳柏霖女友、女模MandyLieu及LisaS.等昨日在尖沙嘴海港城，出席新開的美術館活動。早前Mandy被拍得與男友陳柏霖在淺水灣嬉水消暑，昨日向她提起此事，她一臉甜蜜說：「我唔介意俾人影到，個個去游水都係着泳衣㗎啦，我做番自己啫。」
大讚男友細心
昨日Mandy手戴卡地亞LoveBangle手鈪，她指是早前生日，男友送的禮物，並大讚男友細心、誠懇和善良，不諱言他是結婚對象，但會否閃電結婚則隨緣。
問Mandy戀情公開後對其工作有幫助抑或受到影響？她說：「不嬲都係飛嚟飛去好多job㗎啦，我哋都係公私分明嘅人，佢唔會阻止我接一啲好性感嘅job，如果係好勁（性感）我自己都接受唔到。」
幫Fans影合照
再問兩人經常因工作分隔兩地，會否在香港及台北置業？Mandy說：「咁樣咪好貴？不過我哋唔係成日見，多數通長途電話，最貴嗰次傾咗10,000蚊，好肉赤。」她並指不怕男友fans不接受她，她說：「我哋試過喺街俾佢啲fans撞到，我仲幫fans揸手機同佢哋影相㖭。」
此外，從來認恨錢的LisaS.昨日指買畫也是一項不錯的投資，問她會否買老友樂基兒（Gaile）畫的畫時，她說：「都會㗎，或者過多10幾年後佢係GailePicasso呢？」
採訪：RitaLeung
攝影：ChenWaiOn
