做「跟車」、返鄉下，每年暑假，一班家住板間房的孩子都這樣過，難得今年有機會免費學踢波。火熱的球場下，幾十名身穿平價波衫的「野孩子」不再搗蛋，乖乖的排好隊伍，跟傑志足球隊的教練學踢波。8歲半的李俊傑特別興奮，享受着首個在香港度過的暑假。
家鄉多蚊少朋友
付不起150元一小時的游泳班學費，康文署的平價暑期班又沒中籤，每個長假期，俊傑都要返家鄉番禺。「我喺嗰度學識咗游水、踩單車，不過鄉下好多蚊，同埋冇乜朋友。」俊傑媽媽說：「喺大陸，百五蚊學游水，就教到你識為止。」同學在暑假紛紛出外旅行，俊傑最遠只到過番禺，「個仔成日話想去外國旅行，我叫佢快啲瞓，發夢咪去到囉！」
俊傑的同學仔葉仲德，最難忘去年暑假，日日呆坐父親駕駛的小巴裏，不停在荃灣與佐敦穿梭。「都幾悶，好彩媽咪今年轉咗份兼職，下晝有時間陪我，唔使再跟車。」籌辦足球班的社區組織協會幹事施麗珊說，不少板間房兒童在暑假都回鄉度過，以免增加花費，「有啲新移民小朋友，返咗一排鄉下，廣東話都退步咗。」
