曼聯球星認真浮誇，咩都鍾意鬥大鬥多，結果搞到訓練營嘅停車場要擴建。據講，班球員啲車越買越大，畫好嘅停車位唔啱size，球會應球員要求同潮流，一於齊齊搞大佢！而更衣室入面亦要重新裝修，好似朗尼啲香水多到冇位擺。睇嚟隨住英超高度商業化，班球員亦感染到物以「大」為貴嘅浮誇風氣，實行乜都大！