汪明荃早前獲選為第33屆八和會館主席,噚日喺油麻地會址舉行交接儀式,一班理事包括羅家英同埋阮兆輝等都有到場,阿姐由上屆主席陳劍聲手上接過八和會館嘅印章。 阿姐話就職典禮會喺11月華光先師誕時舉行,佢話:「我上次擔任主席都差唔多係10年前嘅事,今次首要替粵劇界向政府爭取表演場地,其次係培訓新人。」