香港有唔少明星都有喜歡的私家飯堂，好似新城電台的新香蕉俱樂部成員杜浚斌（Ben）、林盛斌（Bob）同老死范振鋒（Ricky），最近愛上輝叔牛肉料理，貪嗰度可以隨時隨地打邊爐外，還愛上大廚棠哥的京滬菜。今日他們決定挑戰棠哥的大廚地位，各自煮出不同料理畀食客評頭品足。
記者：林佩婷
攝影：陳偉強
烹飪指導：輝叔牛肉料理大廚棠哥（27391636）
教你預備食材
話明係佢哋常去的私人飯堂，除小炒做得出色外，打邊爐的用料亦很用心。今日就由香蕉成員教大家點樣預備最靚的材料打邊爐！
切雙飛牛肉：揀牛柳要選雪花紋肥瘦均勻，切時候要用推刀，第一刀千萬不能切斷。
包餃用陰力：包韭菜餃時，餡料比例約1:1。壓餃子皮時要用陰力輕輕壓實，太大力的話，喺煮的時候會容易散開。
輕力唧肉丸：將材料切碎變成膠狀後，再用輕力從手掌中唧出丸狀，這樣就可做到每粒丸大小相若。
怕麻煩學西餐
阿Ben一個人住，佢鍾意煮西餐係因為覺得中菜好難學：「我覺得食嘢為好食，唔理俾人話唔健康就戒食，盡量唔浪費人生的飲食限額。經過多年訓練，我煎牛扒已經可以控制到生熟程度。等我教吓大家喇，記得先煎好一面先翻去另一面。牛扒如果側邊有少少肥肉，要煎脆啲先好食。」
薑葱焗魚雲
0hr20min
份量：4人
材料
魚頭1個（洗淨切件）、薑11/2両（切片）、葱2両（切段）、蒜茸/生抽/老抽/蠔油各1茶匙、砵酒1/6碗、生粉/鹽/糖各少許、油適量
做法
1. 魚雲灑上鹽，沾上生粉。
2. 燒熱油爆薑，將魚雲炸至金黃色盛起隔油。
3. 起鑊加葱、蒜茸、生抽、老抽、砵酒、蠔油、糖及生粉，魚雲回鑊炒勻便成。
貼士
要用新鮮魚雲，否則會很腥。
注入16年功力餐蛋麵
一看到阿Bob的身形就知佢好貪食：「放得入口都食，不過都有要求。就以公仔麵為例，我試過無數次，發現最好食是餐蛋麵。餐肉同蛋要燶邊，記得煎蛋時要用中火，油落喺鍋正中間，上面放蛋，咁做可整成太陽蛋，側邊有少少燶最好。」雖然他煮餐蛋麵好有心得，但就有個死穴：「我炒親飯都會黏埋一齊，唔係一粒粒。」
菠蘿咕嚕肉
0hr20min
份量：4人
材料
脢頭豬肉4両（切件）、菠蘿1/4個（切件）、紅青椒各1両（切角）、蛋1隻、鹽/油/生粉各少許、糖醋汁1碗
做法
1. 脢肉用鹽略醃，加蛋拌勻後沾生粉。
2. 燒熱油，將脢肉炸至金黃色盛起隔油。
3. 起鑊將所有材料炒勻至收亁汁便成。
貼士
半肥瘦的脢頭豬肉最好味。
為慳錢學煮餸
問到為何開始學廚，Ricky就話全因為要慳：「當年獨自在台灣讀書，為咗慳錢逼住自己煮。初初連煮公仔麵都煮腍，後來最鍾意煮一大鍋咖喱雞，因為放得耐唔易壞，可以食好多餐，慳好多㗎！」
珊瑚蚌炒雜菇
0hr20min
份量：4人
材料
珊瑚蚌4両、冬菇/雞髀菇/秀珍菇共4両（汆水）、翠肉瓜/溫室青瓜各1/2條（切片）、薑片/蒜片各3塊、葱1棵（切段）、鹽/糖/生粉/酒/油各少許
做法
1. 珊瑚蚌用鹽、糖及酒醃後汆水。
2. 加薑葱、蒜片起鑊，將冬菇、雞髀菇、秀珍菇、翠肉瓜及溫室青瓜炒勻，再落珊瑚蚌兜勻，落鹽及生粉埋芡便成。
貼士
菇菌汆水時要耐啲，否則食落有陣味。
日式照燒網牛粒
0hr15min
份量：4人
材料
網牛粒6安士、蒜片2塊、牛油1小塊、照燒汁3湯匙、芝麻/喼汁各少許
做法
1. 牛粒加喼汁略醃。
2. 燒熱牛油，落蒜片及牛粒炒熟，加照燒汁炒勻。
3. 灑上芝麻便成。
貼士
炒時記得用中火，否則煮過火牛肉會變硬。
新香蕉俱樂部為新城娛樂台DJBen、Bob及秦文（Sam）組成，簡稱BBS，曾推出大碟《BEFRIEND》。節目以搞笑方式表達時下男女對愛情及異性關係的意見，非常受歡迎。
Ricky經朋友介紹入行做歌手，現為新城電台DJ，主持音樂節目。
買定料：Krusty明日同你煮餸
桂花炒蟹肉
肉蟹1斤（取2両蟹肉）、銀芽3両、金華火腿茸1茶匙、蛋3隻
花蟹價錢較貴，三點蟹水份多肉較少，所以買肉蟹蒸熟拆肉較實際，1斤蟹約可取出21/2両淨肉。
青芥牛柳粒
牛柳5両、肉豆6錢、白菌8錢、青芥辣醬2湯匙
南乳齋煲
茄子/鮮蘑菇各11/2両、馬蹄/紅棗各4粒、雲耳/甜腐竹各8錢、西蘭花1/4小棵、冬菇4隻、金針6條、髮菜5錢、南乳醬4磚
白兔棉花糖
蛋白2隻、魚膠粉11/2湯匙、糖1/4斤、椰絲300克、紅色果醬少許