意大利聯賽會明日為今季意甲賽序抽籤，為避免強隊喺頭三輪交鋒而整個種籽制，據講可能破天荒列「升班馬」祖雲達斯為種籽。我求大俠覺得咁做真無謂，祖記即刻撼強隊未必係壞事，好似德甲首輪就有史特加鬥史浩克04、次輪就有拜仁對不來梅；英超第三輪亦有利物浦撼車路士，早啲製造高潮唔係更好咩？