今年21歲、有翻版常盤貴子之稱的模特兒鍾穎婷（Fion），經常被指似常盤，她說：「讀書時候已經有同學話我似常盤貴子，我唔覺得佢哋取笑我，似佢都幾好話晒係靚女，完全冇問題，我都幾鍾意佢。」不過近期又有不少朋友指她貌似年輕版李賽鳳，對此Fion十分阿Q精神：「我都係睇報紙先知佢嘅事，總之似邊個都好，似佢都冇問題，佢後生時都好似幾靚呀。」
朋友介紹入行
Fion未成為model前，本身是一名IVE（香港專業教育學院）學生，經過同學介紹之下，成為業餘模特兒，由於充滿少女氣息又有幾分似常盤貴子，因此獲不少客戶垂青，拍過不少廣告。
不少模特兒都會藉工作機會晉身娛樂圈，不過Fion表示暫沒此計劃，更坦言對娛樂圈有一種複雜感受，她說：「我暫時冇計劃入娛樂圈，好多人講呢個圈講到好似好黑暗，如果要出名，仲唔知係咪要點？所以我𠵱家冇打算入娛樂圈，暫時繼續做模特兒先。」
炎炎夏日，家住香港仔的Fion，閒時會與朋友一起到海灘曬太陽。而今次則是她首次到海灘拍泳裝照，她說：「只要係健康嘅性感，冇問題，雖然有好多人不時會望住，但唔會特別尷尬，都係工作啫。」
記者：GeneNg
攝影：ChenWaiOn
人物誌：IVE嬌娃變廣告女郎
鍾穎婷（Fion）
年齡：21歲
三圍：32、24、34
有翻版常盤貴子之稱的鍾穎婷（圖右），早前於香港專業教育學院（IVE）商科畢業後全身投入模特兒工作，過去曾參與的廣告作品包括大眾財務、PizzaHut及i-cable等，除了電視廣告，她也間中為報章雜誌及商場活動擔任模特兒。
