澳門「地膽」小秋，在香港無意中認識了美少女阿草，大家聊得投契，才發現原來對阿草來說，澳門是一塊從未踏足的「處女地」；而近年澳門因為新賭場酒店越開越多，發展一日千里，令阿草對這塊處女地產生好奇，於是小秋應承，為美少女帶來一個全新的「初體驗」。
記者：張一豪、朱崇德
攝影：林栢鈞、陳偉強
模特兒：小秋、阿草
美少女奄尖，尤其香港的美少女，小秋當然不敢怠慢，於是趁暑假空閒，大膽誠邀阿草過濠江一遊。「你放心交個人畀我，包你玩得開心，食得盡情，一次過滿足晒你。」小秋拍心口叫阿草將這個初體驗完完全全交給他。
大三巴下 南歐角落
「嚟澳門，點可以唔到大三巴，不過淨係嚟影幾張相就走，又點顯得我嘅誠意？」小秋原來為她準備好一頓寫意的午餐。「呢度角落餐廳今年5月至開，佢外表好似一間法國菜餐廳，充滿藝術氣息，但其實係食正宗地中海同南歐菜。如果下午嚟，要試吓佢嘅Tapas小食，例如多汁嘅希臘焗釀肉醬波椒，同埋入味而且充滿層次感燉釀洋葱，加杯嘢飲，都係幾十蚊，好抵！」兩人在此過了一個滿足的下午。
華倫西亞蒸焗海鱸（前$112），法式煎牛扒（後$168）
歐洲人愛用蒸焗的方法烹調魚類，蒸過的海鱸以提味的菇菌去焗，再淋上西班牙橙汁，鮮味香濃；牛扒是安格斯牛，烤至5成熟，配法國傳統的香草牛油汁，又滑又香。
意式奶凍(芭菲)$40
意式奶凍即法國的芭菲，做法與雪糕相同，將忌廉、榛子加雞蛋混合冷凍，軟滑香甜，阿草一吃便愛上。
角落餐廳
電話：（853）23989229
地址：澳門大三巴巷3,5,7號
營業時間：12nn-11pm
交通：碼頭乘的士約MOP20
座位：46個
人均消費：$150-$200
漁人碼頭 發現非洲村
大三巴浪漫午餐之後，小秋說要帶阿草去闖「非洲」，阿草一猜便知他說的是集多個外國特色景點而設計的「漁人碼頭」。
「係呀，呢度大約大半年前開咗一間食非洲式自助餐嘅非洲村，係全澳門首間、亞洲第二間以非洲部落為主題嘅燒烤餐廳。以非洲原住民建築為設計藍本，露天區佈置簡潔，行出少少碼頭一帶日落景色盡收眼底。
食物方面以燒烤為主，最具特色係露天烤全羊，當然還有非洲特色菜啦！
必試燒全羊
烤的是不足歲的羔羊，肉嫩不羶，羊油滴到炭火上，飄來陣陣香味，未吃，已好有氣氛。
非洲風味三寶
據總廚杜師傅說，非洲菜講究原汁原味冇花巧，這款「三寶」包括以海粗鹽、橄欖油、薯仔及鱸魚做的「莫山比克魚」，以紅腰豆、通粉、雜菜煮的「紅豆雜菜湯」及用橄欖油加洋葱炒香再加黃薑粉生煮的「黃薑粉飯」。
師傅推介甜品
非洲是沒有甜品的，所以這裏的甜品是集東西各地之大成，而師傅近來推介這個「泰式番薯布甸」，鬆軟又充滿蛋香，來到非洲村一定要試試。
非洲村
電話：（853）2993678
地址：澳門漁人碼頭非洲村燒烤樂園餐廳
營業時間：星期一至五6:00pm-12:00mn，六、日及假期3:00pm-1:00am
交通：碼頭乘的士約MOP15
座位：300個
收費：星期一至五MOP148，六、日及假期MOP168
新Hea點
開業2個月 酒店級街坊甜品
BitterSweet
碼頭搭的士約$45
同司機講：「氹仔官也街中間。」
米糠布甸雪糕食落唔過甜，唔Heavy！$7-$8，最香係咖啡、紐約芝士。
（下）葡式蛋布甸$9；（上）藍莓鮮奶布甸$7.5
地址：氹仔官也街27號地下
電話：（853）28830289
開業1個月 葡人百變布丁
HappyLemon
碼頭搭的士約$15
同司機講：「議事亭前地，唔該晒。」
紅豆布丁烤茶$12
特低溫多番炒製紅茶，再蒸餾，配料是紅豆及布甸。
地址：澳門天神行27號
電話：（853）64048300
開業2個月 歐洲味道 書香咖啡室
BookaChino
碼頭搭的士約$15
同司機講：「星際後面有落。」
地址：澳門聖德倫街434號獲多利大廈地下
電話：（853）28723362
開業6個月 韓糖果子玩賣相
高麗精品糖果店
碼頭搭的士約$15
同司機講：「議事亭前地，有落。」
冬甩/荷包蛋$18
老闆Fanny提我，食完支叉當餐具用，環保啲。
韓國泡菜……罌糖$58
2吋高，收滿小糖。
地址：澳門大堂巷16號A舖
電話：（853）28389381
開業6個月 世界各地手信
喜有此禮
碼頭搭的士約$15
同司機講：「議事亭前地，唔該。」
瑞典單身戒指 $399/隻
瑞典人忽發奇想，點解單身人士冇戒指；925純銀加天藍玻璃，戒面半圓缺口表示對外開放，拼埋就是圓形圖案，咁就唔再單身。
地址：澳門天通街1號D
電話：（853）28939153
開業1個月 英式懷舊酒店
萊斯酒店
碼頭搭的士約$12
同司機講：「漁人碼頭側有落。」
去萊斯玩，一定要訂這間有古典浴缸的房間。
地址：澳門漁人碼頭
電話：（853）28782782
