芝加哥火燄近況麻麻，球隊亦傷兵滿營，但周六於美職大聯盟作客FC多倫多時，或有兩大新兵「夾波王」白蘭高、以及哥斯達黎加前鋒雲祖柏，首度於聯賽正選披甲，加上受讓平/半，下盤有得諗。
火燄現時的傷兵名單，的確可以「水蛇春咁長」來形容，包括有後衞占居田及中場馬普等7名球員受傷；難怪就算上場聯賽換上新教練奧蘇里奧執教，亦無補於事，球隊近12場聯賽，僅得1勝3和8負的劣績。
巫師鋒將「弗」要捧
不過，火燄新兵墨西哥老將前鋒白蘭高已經往球會報道，上場對些路廸的友賽更已亮相，並取得入球；今役他更極可能夥拍新加盟的哥斯達黎加前鋒雲祖柏，故球隊攻力應該會有明顯改善。
對家FC多倫多近況亦見一般，近6場聯賽僅1勝3和2負，加上正選門將基格瑟頓因傷缺陣，今役就算有主場之利，但又要讓平/半，實在不值博。
至於前鋒艾廸莊遜自從由美國國家隊回歸肯薩師巫師後，入球不斷，近兩場聯賽入3球，今迎作客特差的美國芝華士，料可以順利勝出。文：吾中
貼士
混合過關︰星期日19芝加哥火燄（下）x
星期日23肯薩斯巫師勝（1.95）2x1